Այսօր հրավիրված ասուլիսի ժամանակ ՀՀ սփյուռքի նախարար Մխիթար Հայրապետյանը հայտարարել է, որ մի շարք ուսումնասիրություններ են կատարել և պարզել են, որ առնվազն վերջին 3 տարիներին տենդերները նույն ընկերություններն են շահել․

Նա նշել է, որ «Իմ Հայաստան», «Արի տուն», «Ամառային ճամբար» ծրագրերը կհետաձգվեն:

Մասնավորապես խոսելով «Արի տուն» ծրագրի մասին՝ նա մանրամասնել է. «Երեխաների երկուանգամյա սննդի համար ներկայացված է ութ հազար դրամ: Պարզ է չէ՞, 4000 դրամով այդ ի՞նչ լանչ պիտի լինի, գա՞ռ պիտի մատուցեն ամեն երեխայի համար, սև խավիա՞ր: Այս իմաստով լուրջ կասկածներ ունեմ: Տարիներ շարունակ նույն հյուրանոցն է հյուրեր ընդունել։ Իքս հյուրանոցից մեկ-մեկուկես կիլոմետր է, երեխային տեղափոխելը ԵՊՀ և հետ բերելը 1300 դրամ: Ինձ մոտ առնվազն առաջանում է հարց՝ ի՞նչ չափորոշիչներով է հաստատվել տվյալ գումարը: Անգամ, եթե մեկ երեխայի մեկ տաքսիով տանում-բերում ես՝ 1200 դրամ է անում, բայց գոնե այդ տաքսիի մեջ կարող էին նստել օրինակ, չորս երեխաներ: Չեմ ուզում ամպագորգոռ բառեր ասել, փողեր մսխելու մասին ասել, բայց չի բացառվում, որ դրա մասին էլ խոսենք: 1300-ը, երբ տարիներով բազմապատկենք, կտեսնենք, թե ինչ գումարների մասին է խոսքը»:

7or.am