ԵԱՀԿ Մինսկի խմբի համանախագահները քննարկում են ղարաբաղյան խնդրի կարգավորման շուրջ նախարարների մակարդակով հանդիպում կազմակերպելու հնարավորությունը, նշված է միջնորդների՝ այսօր տարածած հայտարարության մեջ:

Ամփոփելով անցած երկու օրերին Երևանում տեղի ունեցած հանդիպումները, համանախագահներ Իգոր Պոպովը, Էնդրյու Շոֆերը և Ստեֆան Վիսկոնտին նշել են՝ «դիտարկել են բանակցությունների կարգավիճակն ու քննարկել գործընթացն առաջ մղելու ուղղությամբ հետագա քայլերը, այդ թվում՝ մոտ ապագայում նախարարական հանդիպման կազմակերպումը»:

Կողմերը մտքեր են փոխանակել նաև Հայաստան-Ադրբեջան սահմանին և շփման գծում տիրող իրավիճակի վերաբերյալ՝ ընդգծելով կառուցողական միջավայրը պահպանելու կարևորությունը:

Աղբյուրը՝ Ազատություն