Այսօր լրագրողների հետ հանդիպման ժամանակ խոսելով Նոր տարվա տոների մասին՝ երգչուհի, երգահան Լիլիթ Պիպոյանն ասել է, թե իր համար դեռ փոքրուց այդ տոնը նույնացվել է հրաշքների, երազանքների իրականացման և կախարդանքի հետ։ Իսկ տոնական ճոխ և առատ սեղաններին անդրադառնալով՝ նա նշել է.

-Բարեկեցության, բարիքի, այսինքն կյանքի կայունության, բարգավաճման ցանկություն են ունենում, դրա համար են այդ օրվան պատրաստվում և առատ սեղան դնում։

Բանախոսը նաև հավելել է, թե տոնի հետ կապված՝ տխրում է միայն այն պատճառով, որ չեն լինում երգ ու պար, առհասարակ շարժում չի լինում, սակայն դրա մեջ էլ կա ինչ-որ դրական տարր.

-Հավաքվում են միասին ու բարիանում են մարդիկ այդ օրը։