«Բարգավաճ Հայաստան» խմբակցության անդամ Նաիրա Զոհաբյանի այն խոսքերին ի պատասխան, որ ՀՀ էկոնոմիկայի նախարար Ներսես Երիցյանը խորհուրդներ տալու փոխարեն պետք է հրաժարականի դիմում գրի՝ ՀՀԿ խմբակցության մամուլի խոսնակ Էդուարդ Շարմազանովը նախօրեին նրան հորդորել էր չանցնել կոռեկտության և էթիկայի սահմանները և ոտքերը մեկնել իր վերմակի չափով' ավելացնելով, որ Նաիրա Զոհրաբյանը չէ, որ պետք է որոշի՝ նախարարներից ով հրաժարական տա, ով՝ ոչ։

Այս կապակցությամբ երեկ Նաիրա Զոհրաբյանն ու Էդուարդ Շարմազանովն առանձնազրույց են ունեցել:

-Ինչ ունեի ասելու Էդուարդ Շարմազանովին ես ասել եմ նրան' դեմ առ դեմ, այլ բան ավելացնելու չունեմ և չեմ ցանկանում դա հրապարակել: Հուսով եմ' ինքը ճիշտ հետություններ կանի իմ ասածից,- այսօր «7օր»-ին ասել է Ն. Զոհրաբյանը:

Է. Շարմազանովն էլ նշել է.

-Իմ քաղաքական գործունեության սկզբունքնեից մեկը հետևյալն է' չհասցնել անձնական վիրավորանք, այլ տալ քաղաքական գնահատականներ: Այս անգամ ևս ես արել եմ քաղաքական գնահատական:

7or.am