88–ի շարժումը վերանայելու, վերագնահատելու, վերասրբագրելու և վերախմբագրելու ժամանակներ են եկել։ Դա կարող է բերել և՛ լավ, և՛ վատ հետևանքների։

Հերոսներն ու հակահերոսները 31 տարվա ընթացքում տեղերով անընդհատ փոխվել են։ Նորագույն պատմությունը դարձել է օրվա կոնյունկտուրայի զոհ և գործիք։

Շարժման ակտիվում ունենք անկախ պետություն և արցախյան պատերազմի հաղթանակ։ Պասիվում՝ պետականաշինության ոչ բավարար վիճակ, կորցրած քաղաքացի (անկախությունից այս կողմ ՀՀ–ն լքել է 1 միլիոնից ավելի մարդ) և չկայացած հասարակություն։

Որպեսզի չմսխենք անկախությունն ու հաղթանակը, պետք է հսկայական ջանքեր գործադրենք։

Հայաստանը վատ պետություն լինելու շռայլություն չի կարող իրեն թույլ տալ։ Մեզ մեր հարևանները նման հնարավորություն չեն տա։

Մենք դատապարտված ենք հաղթանակի ու պետք է տեր կանգնենք մեր հաղթանակներին, այլ ոչ թե այն դարձնենք առևտրի առարկա ու ձեռքի խաղալիք։

Անդրանիկ Թևանյանի ֆեյսբուքյան էջից