Ինչպես տեղեկացրել են Մոսկվայի Բոտկինյան հիվանդանոցի աղբյուրները, 64 տարեկան հասակում մահացել է ռուս հանրաճանաչ երգչուհի Վալենտինա Տոլկունովան։

Փետրվարի 16-ին Բելառուսիայում կայացած համերգից հետո Տոլկունովան տեղափոխվել է տեղի հիվանդանոցի վերակենդանացման բաժանմունք։ Դուրս գրվելուց հետո նրան հետազոտելու համար տեղափոխել են Բոտկինյան հիվանդանոց։  

-Նախնական տեղեկություններով՝ մահվան պատճառը եղել է սրտի անբավարարությունը,-հայտնել է աղբյուրը։

Տոլկունովան սովետական տարիներին եղել է բազմաթիվ (ավելի քան 300) հանրահայտ երգերի կատարող։ Ծնվել է 1964թ. հուլիսի 14-ին։ Սովորել  է Մոսկվայի մշակույթի պետական համալսարանում։ Ավարտել է Գնեսինիի անվան երաժշտական ուսումնարանը, շրջագայել տարբեր երկրներում։