Հարցազրույց

18.06.2019 07:54


Նախորդներին քննադատում էին պաշտոններին յուրայիններ ներկայացնելու համար, այսօր նույնն են անում՝ ավելի վատ ձևով (տեսանյութ)

Նախորդներին քննադատում էին պաշտոններին յուրայիններ ներկայացնելու համար, այսօր նույնն են անում՝ ավելի վատ ձևով (տեսանյութ)

Նախագահի կողմից Վահե Գրիգորյանին երկրորդ անգամ Սահմանադրական դատարանի դատավոր առաջադրելու հարցի վերաբերյալ սահմանադրականությունը միանշանակ չէ: Այս մասին Tert.am-ի հետ զրույցում ասաց «Իրավական ուղի» հասարակական կազմակերպության համահիմնադիր Ռուբեն Մելիքյանը:

«Կա բավականին ծանրակշիռ մոտեցում, որ նույն անձին իրավունք չունի Հանրապետության նախագահը նույն տեղի համար կրկին առաջադրել: Բայց Վահե Գրիգորյանի առաջադրումից հետո նախագահի աշխատակազմի տրված պարզաբանումներում, փաստացի, խոսքը վերաբերում էր նրան, որ ԱԺ-ի մեծամասնությունն ակնկալում էր միայն մեկ թեկնածուի, և այդ թեկնածուին ՀՀ նախագահը, փաստորեն, տուրք տալով այդ ճնշումներին, ներկայացրեց»,-նշեց նա:

Ռուբեն Մելիքյանը հիշեցնում է, որ մեկ տարի առաջ համանման իրավիճակում ՀԿ-ներից մեկի կողմից բարձրացված հարցի հիման վրա նախորդ գումարման ԱԺ-ի երկու խմբակցություններ՝ «Ելքը», որի կազմում նաև ՔՊ-ն, ԼՀԿ-ն, և «Ծառուկյան» դաշինքը, որի կորիզը ԲՀԿ-ն էր, չմասնակցեցին ՍԴ դատավորի ընտրությանը:

«Այս երկու խմբակցությունները, քաղհասարակության կոչին հետևելով, չեն մասնակցել քվեարկությանը, երբ առանց որևէ ընթացակարգի ներկայացված է եղել թեկնածու: Մեր կազմակերպությունը՝ «Իրավական ուղին», ԱԺ-ում ներկայացված քաղաքական ուժերին կոչ է արել կրկին չմասնակցել ՍԴ դատավորի թեկնածու Վահե Գրիգորյանի քվեարկությանը: Մենք հայելի ենք ցույց տալիս, մենք ասում ենք՝ իրավիճակը նույնն է, և ինչո՞ւ պետք է այս անգամ նույն քաղաքական ուժերը այլ մոտեցում դրսևորեն»,-ասաց «Իրավական ուղի» ՀԿ համահիմնադիրը:

Այս խորագրի վերջին նյութերը