BBC հեռուստաընկերությանը տված հարցազրույցի ժամանակ Կուրմանբեկ Բակիևը հայտարարել է, որ Ղրղզստանի մայրաքաղաք վերադառնալ չի կարող, որովհետև  վախենում է իր կյանքի համար։

Ջելալաբադում թաքնվելով՝ Բակիևը հայտարարել է, որ Ղրղզստանում տեղի ունեցած արյունալի դեպքերը, որոնց զոհ է գնացել շուրջ 70 մարդ,  շատ լավ ծրագրված են եղել գաղտնի ընդդիմության կողմից և ոչ առանց դրսի ուժերի աջակցության։
Միևնույն ժամանակ նա հրաժարվել է տալ որևէ երկրի անուն, որն իր կարծիքով կարող էր մասնակից լինել այդ իրադարձություններին։ Բակիևը ևս մեկ անգամ ընդգծել է, որ մնալու է Ղրղզստանի օրինական ընտրյալ նախագահը։

-Եթե վերադառնամ Բիշքեկ, ապա այնտեղ ես չեմ լինի անվտանգության մեջ։ Ինձ կսպանեն կամ կգցեն ամբոխի մեջ այս խոսքերով. «Այդ նա է հրամայել ոստիկանությանը կրակ բացել, արյունալի դեպքերի մեղավորը նա է»,-ընդգծել է Բակիևը։