ՄԱԿ-ի գլխավոր քարտուղար Բան Կի Մունը ողջունել է Եգիպտոսի նախագահի պաշտոնից Հոսնի Մուբարաքի հրաժարականի մասին տեղեկությունը։

Նրա խոսքերով՝ Եգիպտոսի ժողովրդի ձայնը վերջապես լսելի դարձավ։

ԵՄ-ի արտաքին քաղաքականության և անվտանգության հարցերով գերագույն ներկայացուցիչ Քեթրին Էշթոնը հայտարարել է, թե Մուբարաքի հրաժարականը Եգիպտոսում առավել արագ և հիմնական փոփոխությունների ճանապարհ է բացում։

Թունիսում և Պաղեստինի տարածքում ևս շուքով տոնել են Մուբարաքի հրաժարականը։

Լիբանանում «Հզբոլահ»-ի ներկայացուցիչները Եգիպտոսի ժողովրդին շնորհավորել են «մեծ հաղթանակի» կապակցությամբ։

Իսրայելում էլ հուսով են, որ իշխանության փոփոխությունից հետո Կահիրեի հետ կնքած խաղաղության պայմանագիրն ուժի մեջ կմնա։