Իրանի Իսլամական Հանրապետության ԱԳ նախարար Մանուչեհր Մոթաքին առաջարկել է Հայաստանի, Ադրբեջանի և Իրանի արտգործնախարարների միջև եռակողմ հանդիպում անցկացնել։ Այսպիսով, Իրանը Լեռնային Ղարաբաղի հակամարտության կարգավորման նպատակով Հայաստանի և Ադրբեջանի համար միջնորդությամբ հանդես գալու նախաձեռնությամբ է հանդես եկել։ Իրանական լրատվամիջոցները տեղեկացնում են, որ Ադրբեջանի ԱԳ նախարարն արդեն իր համաձայնությունը տվել է։ Թեհրանն այժմ սպասում է Հայաստանի պատասխանին։

«Ղարաբաղյան հակամարտությունը կարող է լուծվել բանակցությունների միջոցով և արդարության սկզբունքի հիման վրա»,- հայտարարել է Իրանի ԱԳ նախարարը։