Տնտեսությունը վերականգնվում է, իսկ կառավարությունը շարունակելու է պարտք վերցնել
Կառավարության այսօրվա նիստում ՀՀ վարչապետը վերլուծել է առաջին եռամսյակի մակրոտնտեսական ցուցանիշները։ Ըստ այդմ, նշված ժամանակահատվածում տնտեսական աճը կազմել է 5,5 տոկոս։ Վարչապետի ներկայացմամբ՝ աճի ցուցանիշներ են արձանագրվել արդյունաբերության, գյուղատնտեսության, ծառայությունների, էլեկտրաէներգիայի արտադրության ոլորտներում։ Տիգրան Սարգսյանն ընդգծել է, որ Հայաստանի տնտեսությունը մտել է վերականգնման փուլ։ Ըստ գործադիրի ղեկավարի, տնտեսական աճի տեմպերից ելնելով՝ անհրաժեշտություն է առաջացել ձևավորել նոր հարկային բազան, որը մշակելու և ներկայացնելու է Ֆինանսների նախարարությունը։ Տիգրան Սարգսյանը նշել է, որ այս տարի արտաքին պարտքը գտնվելու է օրենքով նախատեսված ցուցանիշի սահմաններում և կառավարությունը շարունակելու է վարկեր վերցնելու բանակցությունները։ Միջոցները վարկերի տեսքով տրամադրվելու են տնտեսվարողներին, իսկ վարկի սպասարկումն իրականացվելու է ոչ թե պետական բյուջեի հաշվին, այլ այն իրականացնելու են տնտեսվարողները։
Տնտեսությունը վերականգնվում է, իսկ կառավարությունը շարունակելու է պարտք վերցնել
Կառավարության այսօրվա նիստում ՀՀ վարչապետը վերլուծել է առաջին եռամսյակի մակրոտնտեսական ցուցանիշները։ Ըստ այդմ, նշված ժամանակահատվածում տնտեսական աճը կազմել է 5,5 տոկոս։ Վարչապետի ներկայացմամբ՝ աճի ցուցանիշներ են արձանագրվել արդյունաբերության, գյուղատնտեսության, ծառայությունների, էլեկտրաէներգիայի արտադրության ոլորտներում։ Տիգրան Սարգսյանն ընդգծել է, որ Հայաստանի տնտեսությունը մտել է վերականգնման փուլ։ Ըստ գործադիրի ղեկավարի, տնտեսական աճի տեմպերից ելնելով՝ անհրաժեշտություն է առաջացել ձևավորել նոր հարկային բազան, որը մշակելու և ներկայացնելու է Ֆինանսների նախարարությունը։ Տիգրան Սարգսյանը նշել է, որ այս տարի արտաքին պարտքը գտնվելու է օրենքով նախատեսված ցուցանիշի սահմաններում և կառավարությունը շարունակելու է վարկեր վերցնելու բանակցությունները։ Միջոցները վարկերի տեսքով տրամադրվելու են տնտեսվարողներին, իսկ վարկի սպասարկումն իրականացվելու է ոչ թե պետական բյուջեի հաշվին, այլ այն իրականացնելու են տնտեսվարողները։