Ամերիկյան «Politico» տեղեկատվական պորտալը հաղորդել է, թուրքական լրատվամիջոցներն էլ հաստատել են, որ Ադրբեջանում ԱՄՆ դեսպանի պաշտոնում ԵԱՀԿ Մինսկի խմբի նախկին համանախագահ Մեթյու Բրայզայի թեկնածությունն արդեն համաձայնեցված է, և առաջիկայում կուղարկվի ԱՄՆ Սենատի քննարկմանը։

Հիշեցնենք, որ Ադրբեջանում ԱՄՆ դեսպանի պաշտոնը թափուր է նախորդ տարվա աշնանից։ Փորձագետները ենթադրում են, որ դա կապված է ԱՄՆ-ի և Ադրբեջանի հարաբերությունների վատթարացման հետ։

Վերլուծաբանները համարում են, որ Բրայզայի թեկնածությունն Ադրբեջանում սառն ընդունելության կարժանանա, քանի որ լինելով ԵԱՀԿ ՄԽ համանախագահ՝ նա իրեն թույլ էր տվել երկիմաստ հայտարարություն անել, որը Երևանի և Բաքվի կողմից իր հասցեին քննադատություններ հնչեցնելու առիթ էր տվել։