Ռուսաստանը դեմ չէ ղարաբաղյան հակամարտության կարգավորման շրջանակում Ադրբեջանի, Հայաստանի և Իրանի արտգործնախարարների եռակողմ հանդիպում անցկացնելու վերաբերյալ Իրանի առաջարկին։ Այս մասին Մոսկվայում ճեպազրույցի ժամանակ հայտարարել է Ռուսաստանի ԱԳՆ պաշտոնական ներկայացուցիչ Անդրեյ Նեստերենկոն։

-Նման հանդիպմանը մենք դեմ չենք։ Եթե այդպիսի հանդիպում տեղի ունենա, պետք է սպասել դրա արդյունքներին, այնուհետև խոսել ղարաբաղյան հակամարտության կարգավորման գործընթացում Իրանի միջնորդության մասին,-ասել է Նեստերենկոն' մեկնաբանելով ղարաբաղյան կարգավորման գործընթացում միջնորդ դառնալու Իրանի առաջարկությունը։

Նա նշել է, որ ներկա փուլում ղարաբաղյան կարգավորման գործընթացում Իրանի մասնակցության առաջարկը վերաբերում էր միայն եռակողմ հանդիպում անցկացնելուն։

Ըստ «РИА Новости»-ի