Ադրբեջանական լրատվամիջոցները տեղեկատվություն էին տարածել, թե ANS հեռուստաընկերությանը տված հարցազրույցում Կովկասի մուսուլմանների հոգևոր առաջնորդ Ալլահշուքյուր Փաշազադեն ասել է, թե Ամենայն Հայոց Գարեգին Բ կաթողիկոսն այցելել է Բաքվում գտնվող Շահիդների պուրակ։

«Ես Ամենայն Հայոց Կաթողիկոսին առաջարկեցի դիտել շահիդների հուշահամալիրը, տեսնել մեր որդիների գերեզմանները, ովքեր զոհվել են Ղարաբաղի համար: Նրանք գնացին գիշերը, երբ այնտեղ ոչ ոք չկար: Տեսած պատկերը ցնցեց նրան»,-նշել է Փաշազադեն:

Մայր Աթոռ Սուրբ Էջմիածնի մամլո դիվանից «7օր»-ին տեղեկացրել են, որ պատրաստվում են ադրբեջանական լրատվամիջոցների տարածած լուրերը հերքող հաղորդագրություն տարածել։

Հիշեցնենք, որ Գարեգին Երկրորդը Բաքվում մասնակցում էր Հոգևոր առաջնորդների համաշխարհային վեհաժողովին:

7or.am