Ինքնախոստովանական ցուցմունք կորզելու նպատակով ոստիկաններն ուժի՞ են դիմում

● Լրահոս

16.02.2011 ● 13:53

Ինքնախոստովանական ցուցմունք կորզելու նպատակով ոստիկաններն ուժի՞ են դիմում

2010թ. հունվարի 10-ի երեկոյան «Մոսկվա» կինոթատրոնի դրամարկղից մոտ 5 մլն դրամի գողություն է կատարվել։ Գողության մեջ կասկածվում է կինոթատրոնի աշխատակից Գոհար Մանուկյանի ընկեր Ստեփան Հովակիմյանը, որին նույն օրը երկու ընկերների հետ, առանց իրավունքների պարզաբանման, տարել են Ոստիկանության Կենտրոնի բաժին։ Բաժնում նրանց վրա նախ հոգեբանական, այնուհետև նաև ֆիզիկական ճնշում է գործադրվել՝ ինքնախոստովանական ցուցմունքներ կորզելու նպատակով։ Սակայն որևէ արդյունք չստանալով՝ ոստիկանները ստիպված են եղել երիտասարդներին ազատ արձակել։ Երկու օր անց սցենարը կրկնվել է։

Փետրվարի 6-ին Ստեփան Հովակիմյանին կանչում են արդեն Ոստիկանության քաղաքային բաժին։ Այդտեղ նորից փորձում են համոզել, որ նա ընդունի մեղքը, սակայն տեսնելով, որ արդյունքի չեն հասնում, Ստեփան Հովակիմյանի նկատմամբ նորից բռնություն են կիրառում։ Տեսնելով, որ այս անգամ էլ իրենց «ջանքերը» ապարդյուն են, Քրեական հետախուզության բաժնի պետ Անտոնյանը հրամայում է ստորացնել ու անարգել մեղադրյալին։

Ինքնասիրությունն ու արժանապատվությունը պահելու համար Ստեփան Հովակիմյանը, ոստիկանների թելադրանքով, ստիպված է լինում ինքնախոստովանական ցուցմունք գրել, որտեղ հայտնում է, որ կազմակերպել է գողությունը, իսկ իր ընկեր Վահրամ Քերոբյանը մտել է կինոթատրոն ու դրամարկղից գողացել մոտ 5 մլն դրամ։

Երկու օր անց՝ փետրվարի 8-ին, երբ մեղադրանք է առաջադրվում, Ստեփան Հովակիմյանը ցուցմունք է տալիս, որում հայտնում է, որ իր նկատմամբ բռնություն է կիրառվել, և որ ինքն իրականում այդ գողության հետ որևէ առնչություն չունի։ Դատարանում նույնպես նա հայտնում է, որ այդ ինքնախոստովանական ցուցմունքները ինքը տվել է ճնշման ազդեցությամբ։

Սակայն արդեն մեկ տարուց ավելի է, ինչ Ստեփան Հովակիմյանն ու Վահրամ Քերոբյանը կալանքի տակ են։ Պատասխանատու մարմինները ոչ մի քայլ չեն անում պարզելու համար, թե արդյոք մեղադրյալների վրա ուժ է գործադրվե՞լ է, և իրական հանցագործներին գտնելու և պատժելու նպատակով որևէ պատշաճ հետաքննություն չի կազմակերպվել։ Այս մասին այսօր լրագրողներին հայտնել են Ստեփան Հովակիմյանի և Վահրամ Քերոբյանի պաշտպաններ Տիգրան Սաֆարյանն ու Գիվի Հովհաննիսյանը։

● Այս խորագրի վերջին նյութերը

Միլիոնավոր դոլլարների ծախսեր և փոխարենը անգործություն,նորանոր գետեր

05.05.2024 ● 18:10

«Օրբելի» գետն է…:

«Մայր Հայաստան» ժողովրդական շարժումն իր բոլոր ռեսուրսներով աջակցում է «Տավուշը հանուն Հայրենիքի» շարժմանը

05.05.2024 ● 15:33

Մենք մեր երկրի առաջ ծառացած լրջագույն մարտահրավերները պետք է հաղթահարենք նոր ազգային իշխանության, նոր առաջնորդության, նոր որակի կառավարման միջոցով։

Թել Ավիվում բողոքի ցույցի մասնակիցները կոչ են անում արտահերթ ընտրություններ անցկացնել

05.05.2024 ● 11:36

Թել Ավիվում կրկին բողոքի ցույց է։

Արարատում հայրը հայտնաբերել է իր 25-ամյա որդու մարմինը, կողքին էլ՝ իր հրացանը

05.05.2024 ● 11:27

Ողբերգական դեպք։

Երևանում հսկայական ծառն արմատից պոկվել ու ընկել է՝ կոտրելով գազատար խողովակներ, էլեկտրալարեր ու պոկել արտաքին լուսավորման սյունը

05.05.2024 ● 10:22

Նոր Նորք վարչական շրջանի Քոչարյան փողոցի թիվ 6 շենքի մոտ ծառն արմատից պոկվել և ընկել է՝ փակելով ճանապարհը։

Թշնամական մամուլն ու իշխանական մամուլը մեկին մեկ նույն քարոզն են անում

05.05.2024 ● 10:14

Տպավորություն է, որ պարզապես վերցնում են ադրբեջանական նյութերը, թարգմանում հայերեն ու տարածումը իբր հայրենասիրական քարոզ:

Միլիոնավոր դոլլարների ծախսեր և փոխարենը անգործություն,նորանոր գետեր

Թշնամական մամուլն ու իշխանական մամուլը մեկին մեկ նույն քարոզն են անում

Տեղացած անձրևի և պատկան մարմինների անգործության հետևանքները լավ զգացել են նաև Երվանդ Քոչար 8/1 շենքի բնակիչները

● Լրահոս