Իրանի նախագահ Մահումդ Ահմադինեջադը պետական հեռուստաընկերությամբ հեռարձակված իր ելույթում նշել է, թե երկրում ընդդիմության բողոքները կազմակերպվել են թշնամիների կողմից։

–Ակնհայտ է, որ իրանական ժողովուրդը թշնամիներ ունի, որովհետև այդ ժողովուրդն ուզում է բարգավաճել, բարձունքներ հաղթահարել և ազդել միջազգային հարաբերությունների վրա։ Բնականաբար, գոյություն ունի նաև թշնամական վերաբերմունք կառավարության նկատմամբ, բայց նրանք (թշնամիները) գիտեն, որ դա ոչ մի բանի չի հանգեցնի,–հայտարարել է նա։

Իրանական ընդդիմության ղեկավարներից մեկն էլ՝ Միրհուսեյն Մուսավին, իր հերթին դիմել է ժողովորդին։

–Որոշ ուժեր աշխարհում և եկրի ներսում ցանկանում են մեզ կապել Ամերիկայի և Իսրայելի հատուկ ծառայությունների հետ։ Բայց դուք այդ խոսակցությունները հաշվի մի՛ առեք։ «Կանչների շարժումը» կապված է ձեր վճռականության և կամքի հետ,–ասված է հայտարարության մեջ։