Բահրեյնի հիմնական քաղաքական շիաական ընդդիմությունը մերժել է բարեփոխումների մասին համազգային երկոսություն սկսելու՝ թագաժառանգ Շեյխ Սալման բին Համադ ալ Խալիֆի առաջարկությունը։

Բահրեյնի խորհրդարանից անցած շաբաթ հեռացած «Wefaq» ընդդիմադիր խմբակցության բարձր դիրք ունեցող անդամները հայտարարել են, թե երկրի կառավարությունը պետք է հրաժարական տա, իսկ զորքերը պետք է երկրի մայրաքաղաք Մանամի փողոցներից հեռանան։

Հիշեցնենք, որ ավելի վաղ՝ ուրբաթ օրը, Բահրեյնի անվտանգության ուժերը կրակ էին բացել ցուցարարների վրա, որոնք թագավորությունում իշխանափախություն են պահանջում։ Նշենք, որ շտապօգնության ծառայության տվյալներով՝ բախման հետևանքով առնվազն 120 մարդ է վիրավորվել։