Այսօր՝ դեկտեմբերի 6-ին, ավտովթար է տեղի ունեցել Շիրակի մարզում: Ժամը 08:30-ի սահմաններում Գյումրի քաղաքի Մուսայելյան փողոցում բախվել են Գյումրիի բնակիչներ, Արտաշես Մ.-ի վարած Mercedes մակնիշի 35 ZL 655 համարանիշի և Հակոբ Հ.-ի վարած Opel մակնիշի 35 MM 555 համարանիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով Mercedes-ի վարորդ Արտաշես Մ.-ն, նրա ուղևոր, Գյումրիի բնակիչ Սամվել Գ.-ն մարմնական վնասվածքներով տեղափոխվել են հիվանդանոց:

Բախման հետևանքով Opel-ը մասամբ հայտնվել է մայթին:

Փաստի առթիվ նյութեր են նախապատրաստվում:

Ֆոտոլրագրողը հայտնում է, որ վիրավոր Սամվել Գ.-ն սովորում է Գյումրու թիվ 20 դպրոցի 7-րդ դասարանում:

Մանրամասները՝ Shamshyan.com-ում։