Ընդդեմ կառավարության հակաճգնաժամային ծրագրերի բողոքի դուրս եկած ցուցարարների դեմ Հունաստանի ոստիկանությունն արցունքաբեր գազ է կիրառել։

Ծախսերը կոպտորեն կրճատելու ծրագրից և հակաճգնաժամային այլ միջոցառումներից դժգոհ ցուցարարները քարեր և պոլիէթիլենային շշեր են նետել  ոստիկանների վրա։

Հունաստանում այս տարի բողոքի առաջին գործողության ժամանակ չեղյալ է հայտարարվել ավելի քան 100 չվերթ, փակվել են խանութներ և սպասարկման ոլորտի այլ ձեռնարկություններ։

Խաթարում է նկատվում հասարակական տրանսպորտի աշխատանքներում, շատ դպրոցներ փակ են, իսկ հիվանդանոցները մասնակիորեն են գործում։