Հյուսիսային Կորեայի իշխանություններն ամբողջապես արգելել են երկրի տարածքում բջջային կապի օգտագործումը։

Արգելքը տարածվում է նաև օտարերկրյա քաղաքացիների վրա։ Նրանցից երկիր մուտք գործելու ժամանակ բջջային հեռախոսները առգրավվում են և վերադարձվում են միայն վերադառնալիս։ Այս մասին հայտնում է «KBS World»-ը։

Ամենայն հավանականությամբ՝ արգելքը կապված է վերջին շրջանում Մահրիբի երկրների հեղափոխությունների հետ, որոնցում կարևոր դեր են խաղացել ինտերնետն ու բջջային հեռախոսները։

Հարավկորեական ԶԼՄ-ների տեղեկատվությամբ՝ բողոքի ալիքներ են սկսվել նաև հենց Հյուսիսայի Կորեայում։ Ոստիկանության հետ տեղացիների բախումներ են տեղի ունեցել Սինջու քաղաքում՝ Չինաստանի սահմանից ոչ շատ հեռու։