Թատերագիր, հրապարակախոս Վահրամ Սահակյանը լրագրողների հետ հանդիպման ժամանակ ասել է, թե եթե լինի առողջ ու հասկացող կառավարություն, մտավորականը կկարողանա օգնել նրան ու ճիշտ խորհուրդներ տալ։

–Մտավորականները պետք է խորհուրդ տան, այլ ոչ թե ընտրություններց առաջ գան ու գոռան՝ եկե՛ք սրան ընտրեք, և այլն։ Դրա համար էլ բոլորն ասում են՝ մտավորականներն էս են, էլի՝ ընտրություններից առաջ գնում–մտնում են իշխանությունների թևի տակ,–ասել  է նա։

Վահրամ Սահակյանը նաև նշել է, թե ամեն ինչ երկկողմանի պետք է լինի, քանի որ եթե իշխանությունն ու կառավարությունը այնքան խելք չունենան, որ ընդունեն մտավորականների ասածը, մտավորականն ինչ էլ ասի, մեկ է, տեղ չի հասնելու։

7or.am