Թուրքիայի վիճակագրական ընկերության (TÜİK) կողմից գործազրկության մակարդակի վերաբերյալ վերջին վիճակագրությունը հրապարակվել է 2020թ․ մայիսին։ Ըստ այդմ՝ մայիսի դրությամբ երկրում կորոնավիրուսային իրավիճակով պայմանավորված գործազրկությունն աճել էր 12.9 միավորով։

Թուրքական աղբյուրի հաղորդմամբ` համավարակի հետևանքով աշխատատեղերի փակման արդյունքում աշխատանքից հեռացված քաղաքացիների թիվը թույլ է տալիս նկատել, որ Թուրքիայում իրականում գործազրկության ծավալն անհամեմատ ավելի բարձր է, քան ներկայացված է:

Նշվում է, որ Թուրքիայում երիտասարդների շրջանում գործազուրկների թիվը կազմում է 24.9 տոկոս:

Թուրքիայի երիտասարդ ղեկավարների և գործարարների միության նախագահ Ֆուաթ Փամուքչուն անդրադառնալով թեմային, հայտնել է, որ իր հաշվարկներով Թուրքիայում երիտասարդների շրջանում ոչ թե 4-ից 1-ն է գործազուրկ, այլ յուրքանչյուր 3-ից 1-ը:

Փամուքչուի խոսքով` այս իրավիճակը տնտեսական խնդրից վերածվել է հանրային խնդրի:

«Երիտասարդների 75 տոկոսը աշխատանք է փնտրում: Այս երիտասարդները լուրջ սոցիալական խնդիր կդառնան»,-ասել է նա:

Նրա համոզմամբ` Թուրքիայում ավելի մեծ խնդիր են «դիպլոմավոր գործազուրկները»:

Աղբյուրը՝ ermenihaber.am