Լույս հոկտեմբերի երեքը կրակոցներ են հնչել Վաշինգտոնի հյուրանոցներից մեկում, որտեղ գտնվում էր ռուսական НТВ հեռուստաընկերության նկարահանող խումբը, տուժածներ չկան:

Այս մասին «ՌԻԱ Նովոստի» գործակալությանը տեղեկացրել է հեռուստաալիքի թղթակից Ալեքսեյ Վեսելովսկին. հետագայում լուրը գործակալությանը հաստատել են նաև հյուրանոցի աշխատակիցները:

Դեպքի վայրում` Holiday Inn հյուրանոցի առաջին հարկում գործակալության թղթակիցները հայտնաբերել են կոտրված ապակիներ բազմաթիվ ճաքերով և մոտ մեկ սանտիմետր տրամագծով ճեղքով, ապակու բեկորները ցրվել են առաջին հարկի սրահում և փողոցում:

«Ես սյուժե էի գրում, երբ ձայներ լսեցի, ինձ թվաց կրակոցների ձայներ են: Իմ աշխատանքի փորձով ես կարողանում եմ դրանք տարբերել տաք հետքերով: Դրանից հետո ես իջա ներքև, ոստիկանները փակել էին մուտքը, ոստիկանական ժապավեն էր քաշված: Ոստիկանները ոչինչ չէին մեկնաբանում: Հյուրանոցի աշխատակիցը ասում էր, որ հրաձգություն է եղել»,-պատմել է Վեսելովսկին:

«Այո, նման դեպք եղել է, բայց բարեբախտաբար ոչ ոք չի տուժել»,-հաստատել է հյուրանոցի աշխատակիցը:

Տեղի ոստիկանության կողմից պաշտոնական մեկնաբանություն դեռևս չի եղել:

Աղբյուրը՝ tert.am