Հարց ուսադիր կրողին՝ տղերք, ձեր երդումն ու խոսքը կոպեկ չարժե՞ն

● Կարծիք

29.12.2020 ● 07:50

Հարց ուսադիր կրողին՝ տղերք, ձեր երդումն ու խոսքը կոպեկ չարժե՞ն

Հարց ուսադիր կրողին

Մեկ ամսից ավել է ինչ նիկոլին կնքեցին դավաճան։

Թվարկեմ ինչու․

1. Բանակի հաղթանակած հրամանատարների միտումնավոր սևացում և վարկաբեկում:

2. Երկրապահի միտումնավոր չեզոքացում՝ Սասուն Միքայելյանի միջոցով:

3. Սպառազինության համալրման չարդարացված գործարքներ՝

· ՏՈՌ ՀՕՊ համակարգի ձեռքբերման պայմանագրի դադարեցում։

· Առանց մարտական արսենալի՝ Սու-30 ինքնաթիռների վրա հսկայական միջոցների վատնում (մոտավոր 150մլն դոլլար):

· ՀՕՊ ոչ արդիական ու կասկածելի արդյունավետության միջոցների («Օսա») ձեռքբերում:

4. Ուժային կառույցների, կոնկրետ՝ բանակի, Գլխավոր շտաբի պետի, բանակային ստորաբաժանումների հրամանատարության միտումնավոր հաճախակի փոփոխություններ, Արցախում բանակի ղեկավարության փոփոխություններին հիստերիկ միջամտություններ, ԱԱԾ, ոստիկանության ղեկավարների հաճախակի փոփոխություններ: Դրանք չէին կարող չխարխլել կարգապահությունը և ուժային կառույցները հնարավորինս թուլացնելու, շարքից հանելու միտում ունեին:

5. Անմիջապես պատերազմի սկզբում զորահամալրումը դադարեցնելը և անցումը կամավորական ջոկատների ձևավորմանը ուղղակի քայքայեց բանակային կարգապահությունը ու կառուցվածքը:

6. Պատերազմի 4-րդ օրը, ԱԽ նիստում տեղեկանալով ԳՇ պետ Օնիկ Գասպարյանի զեկույցին՝ հնարավորինս արագ պատերազմը դադարեցնելու անհրաժեշտության վերաբերյալ, այդ քայլի մերժումը: Ավելին, պատերազմի դադարեցման փաստված և իրական շանսեր ունենալով (առնվազն՝ հոկտեմբերի 19-ի Պուտինի առաջարկ), նման քայլից հրաժարվելը, հետագա անհամոզիչ պատճառաբանությամբ, որ իրեն կասեն՝ դավաճան: Ըստ էության, նա նաև հոկտեմբերի 19-ից հետո միանձնյա պատասխանատուն և մեղավորն է բոլոր զոհերի, Հադրութը և Շուշին թշնամուն հանձնելու համար։

7. Պատերազմի ընթացքում փորձառու մարտական գեներալների, պետության նախկին ղեկավարների ներուժը չօգտագործելը, այդ ներուժի օգտագործման փորձերը խափանելը (անուններ չեմ նշում, բոլորը գիտեն ում նկատի ունեմ)։

8. Լինելով դասալիք, ավելին՝ բանակից ու ռազմական գործից սաստիկ հեռու մեկը, անհասականալի և չարդարացված հրամաններ կամ գործողությունների խրախուսում («Լելե-թեփե»-ի հակահարձակում, օրինակ)

9. Պատերազմի ամբողջ ընթացքում իրական վիճակի վերաբերյալ 44 օր շարունակ ստելը:

10. Ստերն ու անհստակ տվյալները զոհերի մասին

11. Ստերն ու անհստակ տվյալները անհայտ կորածների մասին

12. Ստերն ու անհստակ, հակասական տվյալները գերիների մասին

13. Լրատվամիջոցների գործունեությունը, խոսքի ազատությունը սահմանափակելը

14. Արցախի ՊԲ-ն առանց անհրաժեշտ համալրման, զինտեխնիկայի, ռազմամթերքի թողնելը (հայտնի ձայնագրություն):

15. Ռուսաստանից ստացած սպառազինությունը ամբողջությամբ ու արդյունավետ չօգտագործելը:

16. կնոջը Արցախի ՊԲ հրամանատարական կետ «գործուղելը»՝ ուղակի խախտելով զինվորական դիսցիպլինան (հայտնի բարոյական աջակցության խասյաթ)

17. ՀԱՊԿ-ի Սեպտեմբերի 1-ի զորավարժությունների առաջարկը մերժելը, Ադերբեջանի կողմից հավանական պատերազմի մասին ակնարկը անտեսելը (նամակը հրապարակված է) ։

18. Նոյեմբերի 9-ի կապիտուլիացիայից հետո Տավուշի և Սյունիքի բնակիչներին թշնամու դեմ մենակ թողնելը (ուղղակի երկրի քաղաքացուն դավաճանություն)

19. Հարյուրավոր գերիների, նաև թշնամու վերահսկողությանն անցած տարածքներում մնացած մեր զոհված զինվորների մարմինների վերադարձի մասին համաձայնագրում կետ չնախատեսելը որպես նախապայման։

20. Անգործություն ցուցաբերելը, երբ թշնամին կամայականորեն գծում է իրեն ձեռնտու ոչ թե Արցախի, այլ ՀՀ սահման, կտրում երկրի բնակավայրերն իրար կապող ճանապարհը։

21. Հայաստանի շահերը բացահայտ անտեսելը, առնվազն անվտանգության գոտու մասին չբանակցելով։ (դե սա ուրիշ ձև չեր կարող լինել, եթե դրան կզացրել ու չոքացրել են)

22. Հայաստանի շահերը բացահայտ անտեսելը, համաձայնելով, որ GPS կիրառվի։

23. Քրեական գործ հարուցելը Քաջարանի, Գորիսի քաղաքապետների դեմ այն օրերին, երբ նրանք պետության ու բանակի փոխարեն բանակցում են թշնամու հետ, որ գյուղացու տները չհանձնվեն թշնամուն։

24. Մեկ ժամանոց հարցազրույցում Ալիևին մեկ անգամ թթու խոսք չասելը: Ալիևին, որը հային անվանեց «քոչվոր» (չնայած դա էլ ուրիշ ձև չեր կարող լինել, եթե դրան կզացրել ու չոքացրել են)

Ցավոք, դավաճանական այդ դրսևորումների ցանկը շատ ավելի մեծ է։

Հիմա հարց Հայաստանի Հանրապետության սպաներին թե՛ զինվորական, թե՛ ոստիկանական թե այլ՝ տղերք, դուք երդում եք տվել ծառայել հայրենիքին (կցում եմ հիշողությունը թարմացնելու համար), հիմա նիկոլը՝ ոչ բարով վարչապետը, դավաճանել է ու շարունակում է դավաճանել Ձեր հայրենիքին, որին դուք երդվել եք ծառայել որպես սպա, Ձեզ ոչինչ չի՞ անհանգստացնում:

Տղերք, ձեր երդումն ու խոսքը կոպեկ չարժե՞ն։ Դուք էլ ձեր երդմա՞նն եք դավաճանում:

Վիգեն Չատինյանի ֆեյսբուքյան էջից

● Այս խորագրի վերջին նյութերը

Փաշինյանն էլ, Ալիևն էլ, Հայաստանում կորցնելու են իշխանություն․ «Կարճ ասած» (տեսանյութ)

07.05.2024 ● 13:42

Ալիևը կարող է սահմանին սադրանքների էլ գնալ՝ հանուն Փաշինյանի իշխանության, բայց ժողովուրդն արդեն կուշտ է ձեզնից, փոփոխություն է ուզում։

Հայաստանում իշխանությունը պատկանում է ժողովրդին, այլ ոչ թե թշնամու շահերը սպասարկող, օտարամոլ, պիղծ և ավտորիտար ռեժիմի սպասարկու ՔՊ-ին

07.05.2024 ● 11:09

Յուրաքանչյուր քաղաքական ուժ իշխանության գալու օրվանից սկսում է գոյատևել ժողովրդի կողմից իրեն իսկ տրված վստահության քվեով:

Յուրաքանչյուր հայ մայիսի 9-ին պետք է իր ֆիզիկական ներկայությամբ աջակցի արդարության ու արժանապատվության համահայկական շարժմանը

06.05.2024 ● 11:47

Ես, որպես հայ, Մայիսի 9-ին կլինեմ Երևանում։

Միլիոնավոր դոլլարների ծախսեր և փոխարենը անգործություն, նորանոր գետեր

05.05.2024 ● 18:10

«Օրբելի» գետն է…:

Թշնամական մամուլն ու իշխանական մամուլը մեկին մեկ նույն քարոզն են անում

05.05.2024 ● 10:14

Տպավորություն է, որ պարզապես վերցնում են ադրբեջանական նյութերը, թարգմանում հայերեն ու տարածումը իբր հայրենասիրական քարոզ:

Վենետիկ դարձած իմ «Էրեբունի-Երևան»

04.05.2024 ● 12:32

Ջրահեռացում մեզ պետք չի, կարևորը հարկերը ժամանակին վճարեք, որ գումարները ուղղակի դուրս գրեն:

Գյումրիում, Շիրակի թեմի առաջնորդ Գերաշնորհ Տ. Միքայել Արքեպիսկոպոս Աջապահյանի օրհնությամբ, մեկնարկեց երթը (տեսանյութ)

Նիկոլ Փաշինյանը՝ պատերազմի լեգիտիմ հիմք․ «Կարճ ասած» (տեսանյութ)

Սահմանային փոփոխություններից հետո «Շոռ ջուր» աղբյուրը հայտնվել է սահմանից 1 կմ հեռավորության վրա

● Կարծիք