Panther Motors-ը (Փանթեր մոթորսը) զբաղվում է շինությունների ու ավտոմեքենաների ապակիների և լուսարձակների թաղանթապատմամբ, վերացնում ապակիների բծերն ու նորոգում ճաքերը՝օգտագործելով միայն բարձրորակ նյութեր: Այս ընկերությունը բոլոր իրավիճակների համար ունի իր առաջարկը, որն ի դեպ, շուկայում առանձնանում է բարձր որակով, խելամիտ գներով ուպրոֆեսիոնալ սպասարկմամբ: Իրականացնում է նաև ավտոդիագնոստիկա:

Արևապաշտպան թաղանթների գործածության ոլորտների և առավելությունների մասին Panther Motors ընկերության տնօրեն Էդգար Սարգսյանի խոսքը։

Բնակելի և հասարակական շենքերի պատուհանների թաղանթապատում արևապաշտպան ժապավեններով:

Բնակարան կամ կոմերցիոն տարածք ընտրելիս մենք միշտ նախապատվությունը տալիս ենք արևկող տարբերակներին: Բնական լուսավորությունը, իհարկե, դրական է ազդում մարդու վրա: Բայց ամռանը նրա հետթափանցող շոգը ոչ միայն դրական չի ազդում, այլև մարդուն դարձնում է անաշխատունակ, բերում արևի ուլտրամանուշակագույն ճառագայթների բացասական ազդեցությունը. աստիճանաբար,գունաթափվող վարագույրներ, ծածկոցներ ու կահույք, հեռուստացույցի և համակարգիչների անդրադարձող էկրաններ: Արևից պաշտպանվելու ժամանակակից, արդյունավետ միջոց է պատուհանների թաղանթապատումը արևապաշտպան ժապավեններով։

Դրանցից սենյակի լուսավորությունը չի տուժում, փոխարենը 50 % -ով նվազում է ջերմության թափանցումը և չեզոքանում է ճառագայթների բացասական ազդեցությունը։

«Մեր թաղանթների հարուստ տեսականու շնորհիվ պատուհանների թաղանթապատումը կարելի է համապատասխանեցնել շենքի ճարտարապետությանը և տանտերերի նախապատվություններին: Թաղանթներով կարելի է պատել ապակե ցանկացած հարթ մակերևույթ. ոչ միայն պատուհաններ, այլև ապակե լոգախցիկներ, ապակե դռներ, հայելիներ և այլն՝ դրանք դարձնելով անթափանց, փայլատ, գունավոր կամ հայելային:

Ունենք նաև թաղանթներ, որոնք որոշակիորեն պաշտպանում են ապակին հարվածից։ Դրանցով կարող ենք ավելի ապահով դարձնել թե՛ արտաքին դռներն ու պատուհանները, թե՛ ինտերիերի ապակե մասերը։ Այսպիսով՝ մենք օգնում ենք տունը թե՛ ներսից, թե՛ դրսից դարձնել առավել անվտանգ ու ապահով. Հատկապես, եթե ունեք շարժուն փոքրիկ»,-ասում է Էդգար Սարգսյանը:

Ի դեպ, բոլոր տեսակի պաշտպանիչ թաղանթները, լինեն դրանք ջերմակայուն, հարվածակայուն, հայելային և այլն, փակցվում են ապակու ներսի կողմից: Այդպես նրանք ավելի լավ են պաշտպանում արևից, ավելի երկար են ծառայում և ավելի լավ պաշտպանում հարվածներից: Հետևաբար, ջերմակայուն թաղանթներ կարող եք փակցնել անկախ եղանակային պայմաններից:

Ավտոմեքենայի ապակիների մգեցում և թաղանթապատում

Panther Motors-ը առաջարկում է պատել ավտոմեքենայի պատուհանները տեխնիկական բարձր բնութագրեր ունեցող արևապաշտպան թաղանթներով, որոնք ունեն նաև գույնի և թափանցելիության աստիճանի մեծ ընտրանի։

«Ապակիների թաղանթապատումը և երանգավորումը վարորդների պարզ քմահաճույք չէ: Այն զգալիորեն ավելացնում է վարորդի և ուղևորների հարմարավետությունը, պաշտպանում է կուրացնող վառ լուսարձակումներից, ավելացնում ապակիների հարվածակայունությունը,վանում է ուլտրամանուշակագույն ճառագայթները և պաշտպանում է ավտոմեքենայի սրահը գունաթափվելուց»-ասում է Panther Motors-ի տնօրենը:

Panther Motors-ը ավտոմեքենաների ապակիների թաղանթապատման և հարմարավետության բարելավման համար առաջարկում է արևապաշտպան նորարարական ամերիկյան և կորեական արտադրության ժապավենների աննախադեպ լայն տեսականի, որից հնարավոր է ըստ գործունեության ոլորտի ու նախասիրությունների ընտրել համապատասխան թաղանթը։

«Հողմապակու թաղանթապատման ժամանակ մենք միշտ, հաշվի առնելով հաճախորդների անվտանգությունը, խորհուրդ ենք տալիս հետևել օրենքի պահանջին ու հողմապակին պատել 75%-ից ոչ պակաս թափանցելիություն ունեցող թաղանթներով»-ասում է տնօրենը:

Panther Motors-ի թաղանթներով պատվում են նաև գյուղատնտեսական ու շինարարական մեքենաները՝ տրակտորները, կոմբայնները, էքսկավատորները ու ավտոկռունկները, որոնք երկար աշխատում են օրվա ամենաշոգ ժամերին՝մեքենավարների գործն ավելի արդյունավետ, պակաս հոգնացուցիչ ու հարմարավետ դարձնելուհամար:

Լուսարձակների փայլեցում և թաղանթապատում

Panther Motors-ն իրականացնում է լուսարձակների փայլեցում՝ վերականգնելով դրանց գրեթե գործարանային տեսքը: Փայլեցումից հետո խորհուրդ է տրվում նաև թաղանթապատել լուսարձակները հետագայում խամրելուց, քերծվածքներից պաշտպանելու համար: Ի դեպ՝ թաղանթապատելով կարող եք Ձեր մեքենային նոր, ավելի ժամանակակից ու ավելի տպավորիչ տեսք հաղորդել, այն առանձնացնել նույն մոդելի մյուս մեքենաներից։ Panther Motors-ն առաջարկում է թաղանթների հարուստ երանգապնակ՝ ինչի շնորհիվ լուսարձակները կարելի է վերափոխել և միևնույն ժամանակ դարձնել ավելի պաշտպանված։ Արդյունքում՝ Դուք կշահեք մշտական լավ լուսավորված ճանապարհներ ու , իհարկե,մեքենայի լուսարձակների միշտ թարմ ու շլացնող գործարանային տեսք:

Ապակիների բծերի և ճաքերի վերացում

Panther Motors-ի մասնագետները լիարժեք ու ընդմիշտ վերացնում են ժամանակի ընթացքում ավտոմեքենայի ապակու խամրածությունը, չմաքրվող հետքերն ու բծերը, որոնք կարող են առաջանալ տեղումներից, սխալ ու ոչ պրոֆեսիոնալ թաղանթապատումից։ Հատկապես կարևոր է ավտոմեքենաների դիմապակու լավ տեսանելիությունը, որը կարող է տուժել ոչ միայն բծերի, այլև ճաքերի պատճառով։ Ի դեպ ճաքերի առկայությունը ամենևին չի նշանակում թե պետք է դիմապակին փոխել։ Panther Motors-ի մասնագետները անգամ դիմապակու ճաքերն են նորոգում այնպես, որ ոչ-ոք չի հավատա, որ այդ ապակին երբևէ ճաք է ունեցել։

«Պարզապես պետք է դիմել հնարավորինս շուտ, որ ճաքը վերացնեն առանց հետքի: Հին ճաքերում ժամանակի ընթացքում կուտակված փոշին ու կեղտը թույլ չեն տալիս, որ այն անհետ փակվի»,-ասում է Panther Motors-ի տնօրենը :

Panther Motors-ի բոլոր ծառայությունները ապակիների, լուսարձակների թաղանթապատում, ապակիների բծերի ու ճաքերի վերացում, մատուցվում է բարձրորակ նյութերով։ Դրանք ապահովում են բարձր որակ ու երկարակեցություն։ Այստեղ տրամադրվում է մանրամասն խորհրդատվություն թաղանթների տեսակների ու դրանց տեխնիկական բնութագրերի մասին: Եվ իր առաջարկներում ընկերությունը միշտ առաջնորդվում է հաճախորդի կենսակերպով, աշխատանքի բնույթով, հաշվի առնում ճաշակն ու նախասիրությունները, ու չի սխալվում երբեք: Բոլոր հաճախորդներն այստեղ կարողանում են գտնել իրենց պահանջներին համապատասխան ամենաօպտիմալ լուծումները:

Ձմեռային ակցիա Panther Motors-ում:

Այս պահին մեզ մոտ գործում է Ձմեռային ակցիա, որը կտևի մինչև փետրվարի 30-ը: Թաղանթապատելով ավտոմեքենայի ապակիները, ավտոդիագնոստիկան կտրամադրենք անվճար:

Աղբյուրը՝ yerevaklur.am