Ինչպես տեղեկացնում են ՀՀ ոստիկանության լրատվության և հասարակայնության հետ կապերի վարչությունից՝ ապրիլի 13-ին, ժամը 16։40-ին, հիվանդանոցից ոստիկանության Վանաձորի բաժնում հաղորդում է ստացվել, որ իրենց մոտ է տեղափոխվել կրծքավանդակի և աջ աճուկի մասում վնասվածքներ ստացած 1965 թ.  ծնված Արմեն Հ.-ն։ Պարզվել է, որ նույն օրը, ժամը 14։45 սահմաններում, գերեզմանատանը, կենցաղային խնդիրների շուրջ ծագած վիճաբանության ժամանակ, իր մոտ եղած խոհանոցային դանակով, 1972թ. ծնված Գագիկ Լ.-ն երկու անգամ հարվածել է  Արմեն Հ.-ին։ Գագիկ Լ.-ն ձերբակալված է։ Կատարվում է նախաքննություն։