Ադրբեջանական  analitika.az կայքում տեղադրվել է «վերլուծություն», որում  Վրաստանում տեղի ունեցող իրադարձությունները  գնահատվել են, որպես «հայկական քայլ»։ Պարզվում է, որ Վրաստանում խորացող քաղաքական ճգնաժամի մեղավորները արտաքին ուժերն են՝ առաջին հերթին հայերը, որոնք Ջավախքի  գործոնը փորձում են օգտագործել Վրաստանի ամբողջականությանը լուրջ հարված հասցնելու համար։ Հոդվածագիրը Վրաստանի իշխանություններին զգոնության կոչ է անում, հակառակ դեպքում «ռուսական ռազմական բազաները հնարավոր է, Աբխազիայից և Հարավային Օսիայից բացի, տեղակայվեն նաև Ջավախքում»։