ՀՀ-ում վերջին երեք տարիների ընթացքում սկանդալների ու սենսացիաների պակաս չկա․ մարդիկ դադարել են զարմանալուց։ Երեկ հայտնի դարձավ, որ ՅՈՒՆԻՍԵՖ-ի հայաստանյան գրասենյակի ղեկավար Մարիան Քլարք-Հաթինգիը հեռանում է ՀՀ-ից, նշվում է, որ իշխանությունները պերսոնա նոն-գրատա են հայտնել նրա։

Նշենք, որ ՅՈՒՆԻՍԵՖ-ը Հայաստանում է 1994 թվականից և շուրջ 25 տարի է, ինչ աջակցում է ՀՀ-ում մշակել և իրագործել բարեփոխումներ՝ ուղղված Հայաստանի երեխաների իրավունքների իրականացմանը խոչընդոտող բացերի վերացմանը՝ հատուկ ուշադրություն դարձնելով ամենակարիքավոր և խոցելի երեխաներին:

Պարզվում է` այս կազմակերպության հայաստանյան գրասենյակի ղեկավարը լրտեսություն է արել հօգուտ Ադրբեջանի և Մեծ Բրիտանիայի, փաստենք, որ խոսքը միջազգային մարդասիրական ամենամեծ կառույցի ներկայացուցիչի մասին է։

Ժամեր առաջ ԱԳՆ-ի տված պարզաբանման մեջ նշված է․ «Հայկական կողմի համար խնդրահարույց է եղել ՀՀ-ում ՅՈւՆԻՍԵՖ–ի ներկայացուցիչ Մարիան Քլարկ-Հաթինգի` իր մանդատի իրականացման գործում թերացումները և ոչ համագործակցային աշխատելաոճը», և ոչ մի բառ լրտեսության մասին։

Միանշանակ է, որ գործ ունենք հերթական սկանդալային փաստի հետ, երբ բարեգործական նպատակների անվան տակ թշնամի երկրի գործակալ է ուղարկվում մի երկիր, որպեսզի լրտեսությամբ զբաղվի, իսկ տվյալ պետության հատուկ ծառայություններն ուղղակի չկան։ Չմոռանանք, թե ինչ քար անտարբերություն էր ցուցաբերում 44-օրյան պատերազմի օրերին ՄԱԿ-ի հայաստանյան գրասենյակի ներկայացուցիչ Շոմբի Շարփը, երբ Արցախում խաղաղ բնակչության վրա կիրառվում էր կասետային ռուբեր և ֆոսֆորային զենք։

Հարց է առաջանում, իսկ մեր ԱԱԾ-ն բացի ֆեյք բռնելուց նման գերկարևոր հարցերի հետ կապված ասելիք ու անելիք չունի՞։

Ակնհայտ է, որ սա ազգային անվտագության համար առանցքային նշանակության հարց է, և տվյալ կառույցը պետք է հստակ պարզաբանում ներկայացնի, թե մասնավորապես, ի՞նչ լրտեսության մասին է խոսքը, կամ հակառակ դեպքում՝ հերքի տվյալ տեղեկությունը։

Ի դեպ՝ իշխանական պրոպագանդիստներն ու դավաճանական խմբի ներկայացուցիչները ևս, այս թեմայի հետ կապված ոչ մի հոդաբաշխ մեկնաբանություն ու պատասխան չեն տալիս՝ փորձելով թեման ցրել։

Արմեն Հովասափյանի ֆեյսբուքյան էջից