«Այսօրվա քաղաքական գործընթացները տանում են միասնության։ Թե՛ առաջին, թե՛ գործող նախագահի քայլերը տեղավորվում են այս գաղափարի մեջ»,– մամլո ասուլիսի ժամանակ հայտարարել է ՀՀԿ խմբակցության պատգամավոր Արտակ Դավթյանը՝ ավելացնելով, որ իշխանության և ընդդիմության նպատակները պետք է նույնը լինեն։

ՀԱԿ ներկայացուցիչ Սուրեն Աբրահամյանն էլ հավելել է, որ երկխոսությունը բարդ գործընթաց է:

«Մենք ասում ենք արտահերթ նախագահական և խորհրդարանական ընտրություններ: Հնարավոր է, որ օրակարգում փոփոխություններ լինեն: Դժվարն իրար առջև նստելն ու գործընթացը սկսելն է: Մենք չենք պարտադրելու մեր օրակարգն իշխանություններին»,- նշել է ՀԱԿ ներկայացուցիչը:

7or.am