Հարցազրույց

29.05.2021 09:36


Արցախի հարցում առաջին կապիտուլյացիոն ակտն ստորագրել է Լևոն Տեր-Պետրոսյանը՝ 1994 թ.-ին՝ British Petroleum ընկերության ակտիվ դերակատարմամբ. Ռուբեն Հակոբյան (տեսանյութ)

Արցախի հարցում առաջին կապիտուլյացիոն ակտն ստորագրել է Լևոն Տեր-Պետրոսյանը՝ 1994 թ.-ին՝ British Petroleum ընկերության ակտիվ դերակատարմամբ. Ռուբեն Հակոբյան (տեսանյութ)

Արցախի հարցում առաջին կապիտուլյացիոն ակտը ստորագրել է Լեւոն Տեր-Պետրոսյանը՝ 1994 թվականի մայիսի 12-ի հրադադարի համաձայնագրով,-«Փաստինֆո»-ի եթերում հայտարարել է «Ակունք» քաղաքական վերլուծությունների կենտրոնի ղեկավար Ռուբեն Հակոբյանը՝ ընդգծելով, որ դրա ստորագրումը զինվորականները գնահատել են որպես թիկունքից հարված՝ ուղղված Արցախի ազատամարտին։

Ռ.Հակոբյանը հիշեցրել է, որ ազատամարտն սկսվել էր Արցախն ազատագրելու նպատակով եւ 6-7 հազար կյանքի գնով հաջողվել էր հաղթել, մոտ 300 կմ շրջանագիծ գծել մեր սահմանների երկայնքով, ու հանկարծ հաղթող պետությունը կնքում է հրադադարի համաձայնագիր՝ թշնամուն հնարավորություն տալով վերակենդանանալու, մինչդեռ ունեինք լիարժեք հնարավորություն թելադրելու մեր պայմանները։

Գործչի դիտարկմամբ՝ Լեւոն Տեր-Պետրոսյանն ունենալով մտավոր կարողություն, իմանալով համաշխարհային պատմությունը պարզապես չէր կարող չգիտակցել, որ Ադրբեջանն ամեն օրը, վայրկյանը, առավել եւս տարին օգտագործելու է վերակենդանանալու համար ու հանկարծ կնքում է հրադադար եւ ոչ ավելին։

Նրա խոսքերով, Լեւոն Տեր-Պետրոսյանն այսօր մեղադրանքներ է հնչեցնում Ռոբերտ Քոչարյանի ուղղությամբ՝ասելով, թե ժամանակի գործոնը հաշվի չէին առել։ «Բա որ այդ խելքը ունեիր՝ ինչու չէիր դա հաշվի առել հրադադարն ստորագրելիս»,-նշել է բանախոսը։

Նա պատմել է, որ դեռեւս տարիներ առաջ քննարկումներ է ունեցել բարձրաստիճան զինվորականների հետ՝ 1994 թվականի հրադադարի համաձայնագրի վերաբերյալ, որը հենց նրանք գնահատել են կապիտուլյացիա, իսկ հետագայում պարզել է նաեւ, որ տվյալ փաստաթղթի ստորագրման թիկունքում եղել է Ադրբեջանում նավթային մեծ հետաքրքրություններ ունեցող բրիտանական British Petroleum ընկերությունը։

«Արցախի հետ այսօր տեղի ունեցածի հիմքը դրել է Լեւոն Տեր-Պետրոսյանն իր դիվանագիտությամբ ու կեցվածքով»,-հայտարարել Է Ռ. Հակոբյանը՝ արձանագրելով, որ Նիկոլ Փաշինյանին շատերն այսօր համարում են նրա հոգեզավակը։

Մանրամասները՝ տեսանյութում։

Այս խորագրի վերջին նյութերը