«Պրեսսինգ» հաղորդաշարում Սաթիկ Սեյրանյանի հյուրը փաստաբան, միջազգային իրավունքի մասնագետ, «Կոնցեռն Դիալոգ» փաստաբանական գրասենյակի կառավարիչ-գործընկեր Արամ Օրբելյանն է:

Բանախոսը համոզված է.

• Պարզվում է՝ վարչապետ դառնալով շարունակում են մնալ դեղին մամուլի լրագրող: Երեք տարի է՝ տեսնում ենք զրպարտությունների, վիրավորանքների շարան:

• ՀՀ այսօրվա իշխանությունները, որ ուզում են վերարտադրվել, նրանք դասական իմաստով անարխիստներ են. նրանց պետություն պետք չէ:

• Դելիմիտացիա չարած՝ դեմարկացիայի մասին չեն խոսում. սահմանի հարցը քննարկվում է, երբ հստակ է՝ ով է հարևանդ:

• Քանի դեռ լուծված չէ Արցախի կարգավիճակի հարցը, դեմարկացիայի հարց չի կարող քննարկվել:

• Դեմարկացիայի և դելիմիտացիայի հարցն այս իշխանություններն իրականում սկսել են քննարկել 2018 թվականից:

• Ակնհայտ է Շուռնուխում մարդկանց դուրս հանելով հանցագործություն է կատարվել՝ ՀՀ-ում քրեական գործ չեն հարուցում:

• Չեմ գտել իրավական որևէ փաստաթուղթ, որ ՄԱԿ-ը Հայաստանի անկախությունը ճանաչել է ԽՍՀՄ քարտեզներով: