Ս.թ. հունիսի 16-ին, ժամը 11.00 «Կոնգրես»  հյուրանոցի մեծ դահլիճում տեղի է ունենալու  «Կոռուպցիան  մեր ազգի թշնամին է» քաղաքացիական ծրագրի ներկայացումը:

Կլուսաբանվեն  Բնապահպանության նախարարության կոռուպցիոն ռիսկեր պարունակող գործունեությունը նկարագրող նյութեր, ինչպես նաև` այդ գործունեության հետևանքով Սևանա լճի և նրա ափամերձ տարածքների իրավիճակը:

Սևանա  լիճը  մեր  ազգային  հարստությունն է:  Ինչպես է պետությունը կառավարում այդ  հարստությունը: Այսօր լճին և նրա ափերին հասցվել է մոտ միլիարդ  դոլարի  վնաս:

Ով  է պատասխանատվություն կրում  մեր ազգային բնական հարստությունն ավերելու համար:  Դա  անպատժելի պետական պաշտոնյան է, որը մեկ դոլար շահելու համար  կայացնում է որոշումներ ` բնությանը  պատճառելով  հարյուրավոր դոլարների վնաս:

Մեր նպատակն է դադարեցնել  կոռուպցիան, որը մեր ազգային զարգացման գլխավոր խոչընդոտն է և ազգին զրկում է արժանապատիվ ապագայից:

«Իրավական պետություն»

քաղաքացիական նախաձեռնություն