Թուրքական Ստամբուլ քաղաքում շունը հարձակվել է անցորդի վրա, որն էլ ցատկելով ճանապարհի երթևեկելի հատվածի վրա՝ ընկել է բեռնատարի տակ, գրում է Haberler-ը:

Դեպքը տեղի է ունեցել հունիսի 26-ին: Երիտասարդ տղամարդը քայլել է մայթով, երբ նրա վրա շուն է հարձակվել: Տղամարդը բնազդաբար նետվել է ճանապարհի վրա, որտեղ էլ մեծ արագությամբ ընթացող բեռնատարը հարվածել է նրան:

Տուժածը հիվանդանոց է տեղափոխվել լուրջ վնասվածքներով, իսկ բեռնատարի վարորդին ձերբակալել են: Սակայն տեսահսկման համակարգի տեսախցիկների ֆիքսած կադրերը դիտելուց հետո նրան ազատ են արձակել:

Ինչպես հաղորդվում է՝ շունը տեր չունի՝ թափառական է:

Աղբյուրը՝ tert.am