Թուրքիայի նախագահ Ռեջեփ Թայիփ Էրդողանը հայտնել է, որ Թուրքիան Աֆղանստանում իր դեսպանատան աշխատակիցներին տեղափոխել է Քաբուլի օդանավակայանի տարածք, որտեղ տեղակայված են թուրք զինվորականները:

Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը։ «Մենք մեր դեսպանատան աշխատակիցներին տեղափոխել ենք այն վայրը, որտեղ մեր զինվորականները տեղակայված են օդանավակայանի տարածքում: Այնտեղ «Թալիբանի» ներկայացուցիչների հետ տեղի են ունեցել 3,5 ժամ տևողությամբ բանակցություններ: Անհրաժեշտության դեպքում այդ շփումները կշարունակվեն»,-լրագրողների հետ զրույցի ժամանակ ասել է Էրդողանը: