Հայաստանի, Ադերբեջանի և Ռուսաստանի նախագահների կազանյան  հանդիպումից հետո ադրբեջանական կայքերը լծվել են պատերազմի անխուսափելիության վերաբերյալ քարոզչությանը։ Մասնավորապես, քաղաքագետ Ակիֆ Նագինը, հակառակ կողմին բնորոշ անհեթեթ ձևակերպումներով,  հայտարարել է, թե Կազանի հանդիպումը տվել է Ադրբեջանին լուրջ հիմքեր պատերազմ սկսելու համար:

Salamnews-ին տված հարցազրույցում Նագինը ասել է, թե «միջնորդները իրականում կարծում են, որ «ստատուս-քվո»-ն պետք է պահպանվի մինչև հարցը լուծվի Հայաստանի օգտին»։  «Համանախագահները իրենց առջև չեն դնում հակամարտության արդարացի լուծման նպատակ:    Ադրբեջանը շատ երկար էր սպասում, մենք կատարել ենք բոլոր համաձայնագրերը, միջազգային օրենքը մեր կողմից է, և մենք իրավունք ունենք ռազմական գործողությունները սկսելու» - ասել է նա: