Ադրբեջանն Արցախյան 44-օրյա պատերազմում իր կրած կորուստների նորացված տվյալ է հայտարարել։

Ինչպես հայտնում են ադրբեջանական լրատվամիջոցները` հղում անելով Ադրբեջանի զինվորական դատախազ, գեներալ-լեյտենանտ Խանլար Վելիևին, հաստատված զոհերի պաշտոնական թիվը հասել է 2907–ի։

Ըստ ադրբեջանցի պաշտոնյայի` տվյալները թարմացվել են զոհերի դիերի նույնականացման արդյունքում։ Ըստ այդմ` թիվն ավելացել է 3-ով։ Նա նաև հայտնել է, որ անհետ կորածների թիվը ներկա պահին նախկին 10-ի փոխարեն 7 է։

Նշենք, որ զոհերի վերջին տվյալներն Ադրբեջանը պաշտոնապես հայտարարել էր հունիսի 14–ին, երբ զոհերի թիվը 2904 էր, անհետ կորածներինը` 10։

Հիշեցնենք` սեպտեմբերի 27-ին Ադրբեջանի մայրաքաղաք Բաքվում զոհերի լուսանկարներով անցկացված հիշատակի երթը բազմաթիվ հարցեր էր առաջացրել, քանի որ լուսանկարների թիվը ակնհայտորեն գերազանցել էր զոհերի պաշտոնապես հայտարարված տվյալները։

Աղբյուրը՝ armeniasputnik.am