Վիճակագրության ազգային ծառայության տվյալներով՝ 2021 թվականի երրորդ եռամսյակում Վրաստանում գործազրկության մակարդակը նախորդ տարվա նույն ժամանակահատվածի համեմատ աճել է 2,5 տոկոսային կետով և կազմել 19,5 տոկոս։

Ըստ վիճակագրության ազգային ծառայության, գործազրկության մակարդակը ավանդաբար ավելի բարձր է տղամարդկանց շրջանում, քան կանանց։ 2021 թվականի երրորդ եռամսյակում, նախորդ տարվա նույն ժամանակահատվածի համեմատ, այս ցուցանիշն աճել է 2,1 տոկոսային կետով կանանց մոտ, իսկ 2,9 տոկոսային կետով տղամարդկանց դեպքում։

2021 թվականի երրորդ եռամսյակում քաղաքատիպ բնակավայրերում գործազրկության մակարդակը նախորդ տարվա նույն ժամանակահատվածի համեմատ աճել է 1,9 տոկոսային կետով, իսկ գյուղական բնակավայրերում՝ 3,5 տոկոսային կետով։

Աղբյուրը՝ jnews.ge