1915թ., Սումգայիթ, Բաքու, Մարաղա, քնած ժամանակ կացնահարված հայ սպա, 44-օրյա դաժան պատերազմ, այրված ու մորթված հայորդիներ, որոնց մի մասի դիակներն անգամ մայրերը հողին չհանձնեցին, Գեղարքունիքում, Տավուշում, Սյունիքում սպանվող ու գերեվարվող տղաներ, կորցված տարածքներ ու արժանապատվություն, բայց մեկ է՝ Նիկոլ Փաշինյանը դեռ հարց է տալիս։ «Մենք ուզում ենք հարաբերությունները կարգավորել Թուրքիայի հետ, բայց ուզում ենք մի հարց տանք Ադրբեջանին և Թուրքիային։ Թուրքիային նկատի ունենալով, քանի որ իրենք ասում են՝ մեկ ազգ՝ երկու պետություն, իրենք ուզո՞ւմ են Հայաստանը ոչնչացնեն, թե՞՝ չէ, իրենք ուզո՞ւմ են Հայաստանի Հանրապետությունը ոչնչացնեն, թե՞՝ չէ, իրենք ուզո՞ւմ են հայ ժողովրդի ցեղասպանությունը շարունակել և ավարտին հասցնել, թե՞ չէ։ Եթե չէ՝ դա ուրիշ հարց է, եթե հա՝ մեր ընտրությունը ո՞րն է»,-երեկ հարցնում էր նա… Ադրբեջանն ու Թուրքիան հարցիդ վաղուց «հա» են պատասխանել։ Մեր ընտրությունը պարզ է՝ թուրքը մեր թշնամին է! քոնը ո՞րն է…