Ռուսաստանի նախագահ Վլադիմիր Պուտինն առաջին անգամ պատմել է, որ 1990-ականներին ստիպված է եղել գումար վաստակել որպես տաքսու վարորդ, գրում է gazeta.ru-ն։ ՌԴ ղեկավարը հայտարարել էր, որ նման աշխատանքի մասին մտածել է այն բանից հետո, երբ 1996 թվականին Սանկտ Պետերբուրգի քաղաքապետ Անատոլի Սոբչակը չի կարողացել վերընտրվել քաղաքի ղեկավարի պաշտոնում։

Պուտինը, որը գլխավորում էր Սոբչակի նախընտրական շտաբը, նրա պարտությունից հետո Սանկտ Պետերբուրգից տեղափոխվել է Մոսկվա՝ աշխատելու:

Պուտինն իր հիշողություններով է կիսվել «Ժամանակակից պատմություն» ֆիլմում, որից մի հատված հրապարակել է «Ռոսիա 24» հեռուստաալիքը։

«Երբեմն ես ստիպված էի լրացուցիչ գումար վաստակել որպես տաքսու վարորդ։ Տհաճ է այդ մասին խոսելը, բայց, ցավոք, այդպես էլ եղել է»,-ասել է Պուտինը։

Աղբյուրը՝ tert.am