Անգլիական «Մանչեսթեր Յունայթեդի» և Պորտուգալիայի հավաքականի 36-ամյա հարձակվող Կրիշտիանու Ռոնալդուի մայր Դոլորեշ Ավեյրուն հայտնել է, թե երբ է որդին ավարտելու կարիերան։

«Ես հարցրել եմ Կրիշտիանուին խաղացողի կարիերան ավարտելուց հետո մարզիչ դառնալու մասին։ Նա ինձ ասաց, որ ցանկանում է վայելել կյանքը։ Որդիս կխաղա մինչև 40 տարեկան»,-Ավեյրուի խոսքը մեջբերում է The Sun-ը։

Այս տարվա օգոստոսին Թուրինի «Յուվենտուսից» 15 միլիոն եվրոյի դիմաց «Մանչեսթեր Յունայթեդ» տեղափոխված Ռոնալդուի պայմանագիրը նախատեսված է մինչև 2023թ․ հունիս։

Աղբյուրը՝ sport.news.am