Ղազախստանում անջատել են ինտերնետը. ցուցարարները պատանդ են վերցրել լրագրողներից մեկին

● Աշխարհ

05.01.2022 ● 19:02

Ղազախստանում անջատել են ինտերնետը. ցուցարարները պատանդ են վերցրել լրագրողներից մեկին

Ղազախստանի ամբողջ տարածքում անջատվել է ինտերնետը։ ՌԻԱ Նովոստիի փոխանցմամբ` այդ մասին հայտարարել է NetBlocks ընկերությունը։

«Ղազախստանն այժմ գտնվում է ինտերնետի տոտալ անջատման մեջ։ Մինչ այդ մի ամբողջ օր խափանումներով էր գործում ու որոշակիորեն սահմանափակված էր միայն բջջային ինտերնետ կապը։Դա, ամենայն հավանականությամբ, խստորեն կսահմանափակի հակակառավարական ցույցերի լուսաբանումը»,-ասված է Twitter-ում ընկերության հրապարակման մեջ:

Մինչ այդ հաղորդվում էր, որ արգելափակված են Ղազախստանի որոշ պետական մարմինների կայքերի մուտքն արտերկրից, չեն աշխատում նաև տարբեր լրատվամիջոցների ինտերնետ ռեսուրսները։

Ներկա պահին հնարավոր չէ մուտք գործել zakon.kz, tengrinews.kz և vlast.kz պորտալների էջերը, անհասանելի է նաև Sputnik Ղազախստանի էջը։

Sputnik Ղազախստանը հայտնում է, որ Ալմաթիում իր թղթակցին պատանդ են պահել Հանրապետության հրապարակում գտնվող լրատվամիջոցների գրասենյակների շենքում։

Լրագրողին արդեն հաջողվել է դուրս գալ շրջափակված շենքի տարածքից։

Տեղեկություններ կան, որ ցուցարարները գրավել են Ալմաթիում գտնվող «Միր 24» հեռուստաալիքի գրասենյակը և պահանջում են ուղիղ եթեր տրամադրել իրենց։

Չնայած տեղական հեռուստաալիքների նկատմամբ իրականացված հարձակումներին, քիչ առաջ հայտարարվել է, որ Ղազախստանի նախագահ Տոկաևը շուտով հանրապետական հեռուստաալիքներով հանդես կգա ուղերձով։

Հիշեցնենք, որ նոր տարվա առաջին օրերին Ղազախստանի Մանգիստաուի մարզի (նավթարդյունահանող տարածաշրջան երկրի արևմուտքում) Ժանաոզեն և Ակտաու քաղաքների բնակիչները դուրս են եկել հանրահավաքների՝ բողոքելով հեղուկացված նավթային գազի գների կրկնակի աճի դեմ:

Երկրի Էներգետիկայի նախարարությունը պարզաբանել է, որ հունվարի 1-ից գազի գինը ձևավորվում է էլեկտրոնային բորսային աճուրդում՝ առաջարկի և պահանջարկի հիման վրա:

Ղազախստանի նախագահ Կասիմ-Ժոմարտ Տոկաևը հանձնարարել է իրավիճակը քննարկելու համար կառավարական հանձնաժողով ձևավորել։ Հունվարի 4-ին նախագահ Տոկաևն իր տեսաուղերձում կոչ էր արել իր հայրենակիցներին «խոհեմություն դրսևորել և չտրվել ներսից և դրսից իրականացվող սադրանքներին»։

Նա ընդգծել էր, որ քաղաքացիական ու ռազմական գերատեսչությունների վրա հարձակվելու կոչերն անօրինական են ու կարող են իրավական հետևանքների հանգեցնել։

Աղբյուրը՝ armeniasputnik.am

● Այս խորագրի վերջին նյութերը

Ֆուտբոլի Եվրոպայի լիգայի կիսաեզրափակիչի զույգերը հայտնի են

19.04.2024 ● 11:03

Իտալական «Ատալանտա»-ն մրցելու է ֆրանսիական «Մարսել»-ի, իսկ իտալական «Ռոմա»-ն ուժերն է չափելու գերմանական «Բայեր»-ի հետ:

Քենիայում ուղղաթիռ է կործանվել, որում եղել է երկրի պաշտպանության ուժերի հրամանատարը

19.04.2024 ● 09:50

Ռազմական ուղղաթիռի կործանման պատճառները դեռ պարզ չեն։

Հնարավոր է` ՌԴ-ն ու Իրանն առաջիկայում նոր պայմանագիր ստորագրեն. Զատուլին

19.04.2024 ● 09:46

Պատգամավորի խոսքով` փաստաթղթի հետ կապված վերջնական ուղղումները փոխանցվել են իրանական կողմին։

«Օտարերկրյա գործակալների» մասին օրենքը կոչված է կանխելու Ուկրաինայի ճակատագրի կրկնությունը․ Կոբախիձե

19.04.2024 ● 09:11

Եթե մենք չպաշտպանենք պետության ինքնիշխանությունը, նույնը մեզ հետ տեղի կունենա հենց այն, ինչ եղավ Ուկրաինայի հետ։

Ադրբեջանը քանդել է Շուշիի Կանաչ ժամը (լուսանկար)

19.04.2024 ● 08:33

Ադրբեջանը վանդալիզմի հերթական դրսևորումն է ցուցաբերել` հողին հավասարեցնելով Արցախի Շուշիի Կանաչ ժամը, որն ավելի քան 200 տարվա պատմություն ուներ։

Իսրայելի գործողության ընթացքում Գազայում 13,9 հազար պաղեստինցի երեխա է սպանվել

19.04.2024 ● 07:19

Զոհերի թվերը՝ աննախադեպ արագությամբ ու ընդգրկումով, պարզապես ապշեցուցիչ են:

Հնարավոր է` ՌԴ-ն ու Իրանն առաջիկայում նոր պայմանագիր ստորագրեն. Զատուլին

Ո՞նց կարելի է դավաճանությունը ներկայացնել որպես փրկություն. գնդակահարության արժանի է այդ իշխանությունը. Աջապահյան (տեսանյութ)

Ադրբեջանը քանդել է Շուշիի Կանաչ ժամը (լուսանկար)

● Աշխարհ