Որոշ տեղեկությունների համաձայն, այս պահի դրությամբ, ագրեսոր թշնամու զինուժի կուտակումներ են Կարմիր Շուկայի ուղղությամբ, Ասկերանի Փառուխ, Խրամորթ ուղղությամբ, ինչպես նաև Թալիշ, Մադաղիս, Սարսանգի ուղղություններով։ Արցախն օղակի մեջ է առնված, հազարավոր ընտանիքներ, ծերեր, մանկհասակ երեխաներ կրկին հայտնվել են ցեղասպանության վտանգի առջև։ ՄՈԲ է հայտարարված, իսկ սրանք լռում են, շարունակելով մեր զինված ուժերի գլխատումը։ Նպատակը մեկն է` ամբողջովին հանձնել Արցախը և ևս մի պատերազմի միջոցով կապիտուլյացիայի ենթարկել նաև Հայաստանի Հանրապետությունը։ Հայաստանի «խաղաղասեր» իշխանությունը որդեգրել է Հարավային Կովկասը թուրքական տիրապետության գոտի դարձնելու քաղաքականություն։ Այս պահի դրությամբ, Արցախում ադրբեջանական զինուժի ագրեսիայի զսպումը միայն ռուս խաղաղապահների հայեցողության ներքո է։

Փաստացի արցախահայության չցեղասպանվելու միակ հույսը ռուս խաղաղապահների վրա է։

Գևորգ Գևորգյանի ֆեյսբուքյան էջից