«Այսօր Լեռնային Ղարաբաղի հիմնախնդրի կապակցությամբ աշխարհի երեք ուժային կենտրոններն ունեն այնպիսի դիրքորոշում, որը համապատասխանում է Հայաստանի մոտեցումներին։ Մինսկի խմբի համանախագահող երեք երկրների ներկաայցուցիչների ղեկավարները բազմիցս արտահայտել են այն մոտեցումները, որոնց միանշանակորեն կողմ է նաև Հայաստանի Հանրապետությունը։ Այս փաստի հիման վրա ես կարող եմ ասել, որ Հայաստանի վրա արտաքին ճնշում չկա»,–պատասխանելով այն հարցին, թե արդյոք ԼՂ կարգավորման հարցում միջազգային ճնշում կա՞ Հայաստանի վրա, ասել է ՕԵԿ փոխնախագահ Մհեր Շահգելդյանը։

Բանախոսի խոսքերով՝ Հայաստանի դիրքորոշումները լիովին ընկալելի են աշխարհի ուժային կենտրոնների կողմից։

Նա նշել է, որ Հայաստանի Հանրապետությունն իր ակտիվ դիվանագիտական գործունեության շնորհիվ միանշանակորեն առաջնայնություն ունի դիվանագիտական դաշտում ու հավելել, թե Ադրբեջանում վերջին ելույթներից ու հայտարարություններից կարելի է եզրակացնել, որ այնտեղ որոշակիորեն չեն պատկերացնում հետագա աշխատանքները։

7or.am