Իսրայելում առաջին անգամ փորձարկել են լազերային պաշտպանության համակարգ՝ անօդաչու թռչող սարքերը, հրթիռները և այլ օդային սպառնալիքները որսալու համար, հայտնում է Reuters-ը։

Իսրայելն արագացրել է լազերային որսիչի տեղակայումը` նման տեխնոլոգիաների ներդրման և մոտեցող հրթիռների ոչնչացման հետ կապված մեծ ծախսերը նվազեցնելու ծրագրի շրջանակներում:

«Լազերը փոխում է խաղի կանոնները՝ իր հեշտ կառավարվող համակարգի և զգալի տնտեսական առավելությունների շնորհիվ»,-ասել է Իսրայելի պաշտպանության նախարարության պաշտպանական հետազոտությունների և մշակումների վարչության բրիգադային գեներալ Յանիվ Ռոտեմը: «Մեր պլանը հաջորդ տասնամյակի ընթացքում մի քանի լազերային հաղորդիչների տեղադրումն է Իսրայելի սահմանների երկայնքով»,-ասել է նա։

Իսրայելի պաշտպանության նախարարությունը հայտնել է, որ լազերային համակարգը կարող է մի քանի սցենարով անօդաչու թռչող սարքեր, ականանետներ, հրթիռներ և հակատանկային հրթիռներ որսալ: Որսիչները լազերը կօգտագործեն մոտեցող անօդաչու թռչող սարքերի կամ հրթիռների գերտաքացման համար:

Հզոր լազերը կլրացնի Իսրայելի ներկայիս մեծ և փոքր հեռահարության հակաօդային պաշտպանության համակարգերը, որոնք տասնյակ հազարից միլիոնավոր դոլար արժողությամբ որսիչ հրթիռներ են արձակում։

Իսրայելը նախատեսում է լազերային որսիչները նախ տեղակայել հարավում, որտեղ քաղաքները պարբերաբար գնդակոծվում են ՀԱՄԱՍ-ի կողմից:

Աղբյուրը՝ news.am