Քաղաքական

13.05.2022 12:55


Մի «քինախնդիր» ոստիկանի պատմություն․ ո՞վ էր խուզարկում Սուրեն Մանուկյանի տունը

Մի «քինախնդիր» ոստիկանի պատմություն․ ո՞վ էր խուզարկում Սուրեն Մանուկյանի տունը

ՀՀ ոստիկանության քրեական հետախուզության գլխավոր վարչության աշխատակիցները, ինչպես ասում են, քոռ ու փոշման, գլխիկոր հեռացան ՀՅԴ Հայաստանի Գերագուն մարմնի անդամ Սուրեն Մանուկյանի տնից՝ այդպես էլ չհայտնաբերելով ընտակաշառք բաժանելու մասին փաստաթուղթ, ինչի հետքերով եկել էին խուզարկության։

Զավեշտալին այն է, որ Սուրեն Մանուկյանի տուն խուզարկության էր եկել Ոստիկանության քրեական հետախուզության գլխավոր վարչության բաժնի պետ Սարգիս Մելքոնյանը, որը 2021 թ. զբաղեցնելով Իջևանի ոստիկանության պետի տեղակալի պաշտոնը՝ բերման էր ենթարկում Տավուշի սահմանների անվտանգության հարցով Երևան-Նոյեմբերյան միջպետական ճանապարհը փակած քաղաքացիներին, այդ թվում նաև Սուրեն Մանուկյանին։

Այդպիսի բան է իշխող ռեժիմին ծառայելը, լավ ծառայես՝ մեկ տարի անց պաշտոնի սրընթաց բարձրացում կունենաս։

Ինչպես ժողովրդական խոսքն է ասում՝ ոչ ոք չի մոռացվում, ոչինչ չի մոռացվում։ Սարգիս Մելքոնյանի և նրա նմանների վարքագիծը ևս ապագայում հիշեցնելու են իրեն:

Աղբյուրը՝ yerkir.am

Այս խորագրի վերջին նյութերը