Քաղաքական

19.05.2022 17:32


Դատապարտում ենք Զարեհ Սինանեանի պառակտիչ հայտարարությունները. ՀՅԴ Իրանի Հարավային շրջանի կազմակերպություն

Դատապարտում ենք Զարեհ Սինանեանի պառակտիչ հայտարարությունները. ՀՅԴ Իրանի Հարավային շրջանի կազմակերպություն

ՀՅԴ Իրանի Հարավային շրջանի կազմակերպությունը հանդես է եկել հայտարարությամբ, որտեղ դատապարտել է Սփյուռքի գործերի հանձնակատար Զարեհ Սինանյանի հայտարարությունները:

ՀՅԴ Իրանի կազմակերպության հայտարարության մեջ ասվում է.

«Վերջերս Սփյուռքի հանձնակատար Զարեհ Սինանյանը սփյուռքահայ զանազան համայնքների կողմից ՀՀ իշխանությունների կիրառած հայադավ և ազգակործան գործունեության դեմ կազմակերպված հանրահավաքներն անվանել է «պետական դավաճանություն»՝ անտեսելով իրենց իշխանության միջոցով հռչակած «ժողովրդավարական արժեքներ»-ը։

Փաշինյանի իշխանության այս հլու հանձնակատարը, հակառակ իր կոչմանը՝ փոխարեն Հայաստանի և Սփյուռքի միջև համերաշխություն և խաղաղություն ստեղծելու, նույնացնելով հայոց պետականության վեհ արժեքը իշխանությունների հետ, դժբախտաբար լծվել է երկպառակտություն և թշնամություն սերմանելու ցավալի, բայց և ի սկզբանե ձախողած գործին։

ՀՅԴ Իրանի Հարավային շրջանի կազմակերպության անունից խստորեն դատապարտում ենք Հայաստանի իշխանությունների և նրա ներկայացուցիչների այս գործունեությունն ու քաղաքականությունը՝ հիշեցնելով, որ Դաշնակցության համար անժամանցելի ու անսակակարկելի արժեքներ են Հայաստանն ու հայ ժողովրդի իրավուքները, որոնց կարևորագույն գրավականն է ազգային հզոր պետականությունը։

Այս խորագրի վերջին նյութերը