Այսօր նախատեսված հանդիպմանը ՀԱԿ–ի չներկայանալուց հետո կոալիցիայի աշխատանքային խմբի ղեկավար Դավիթ Հարությունյանը հայտարարել էր, որ տանգո պարելու համար անհրաժեշտ է երկու հոգի. երկխոսությունը չի լինում միակողմանի, և այն կախված է յուրաքանչյուր կողմի կամքից ևս:

«ՀԱԿ–իշխանություն «տանգոյում» դերաբաշխումն ինչպիսի՞ն է»,–այսօր հրավիրված ասուլիսում ՀԱԿ պատվիրակության ղեկավար Լևոն Զուրաբյանից հետաքրքրվել է «7օր»–ի թղթակիցը։

–Միգուցե Դավիթ Հարությունյանի համար ավելի գերադասելի է «տանգո» եզրույթը, բայց ես խոսում եմ շախմատի մասին,–պատասխանել է նա։

Ըստ Լ. Զուրաբյանի՝ սա արդեն մի շախմատ է, որտեղ իշխանությունները սեղանի տակից ոտքերով հարվածում են խաղացողին։

–Նման շախմատ մենք խաղացողը չենք,–պնդել է Լ. Զուրաբյանը։

7or.am