ՀՀԿ խմբակցության անդամ Լեռնիկ Ալեքսանյանը լրագրողների հետ հանդիպման ժամանակ անդրադարձել է Հանրապետական կուսակցությունում գոյություն ունեցող ցուցակին, ըստ որի խոշոր գործարարները նոր խորհրդարանում տեղ չեն ունենալու։

«Օլիգարխների, մեծահարուստների՝ խորհրդարանում մասնակցելու խնդիրի խոսակցությունները սկսվել են Հանրապետական կուսակցության ներսում։ Հենց իրենք՝ մեծահարուստները, այն կարծիքին են, որ ժամանակը գալիս է, երբ մեծահարուստները անելիք չունեն»,–ասել է բանախոսը։

Սակայն, ըստ նրա, խնդիրն այն է, որ պետք չէ 4–5 հա հող ունեցողին համեմատել միլիոնատիրոջ հետ ու որոշել, թե ով է լեգիտիմ, ով՝ ոչ։

Նրա կարծիքով՝ իշխանությունը ճիշտ կանի ցուցակ հրապարակի ընդդիմության մեջ եղած ունևորների մասին, որոնք զբաղվել են թալանով։

7or.am