«Ես սա անպատիժ չեմ թողելու». դատարանն արդարացրեց Սայաթ Շիրինյանին
Երևանի ընդհանուր իրավասության դատարանն այսօր արդարացրեց ոստիկանության պահեստազորի գնդապետ Սայաթ Շիրինյանին։
«Դատարանը որոշեց ճանաչել Սայաթ Շիրինյանի անմեղությունը և նրա նկատմամբ քրեական հետապնդումը դադարեցնել, նրան արդարացնել` հանցակազմի բացակայության պատճառով»,–ասաց Երևանի ընդհանուր իրավասության դատարանի դատավոր Տաթևիկ Գրիգորյանը։
Yerevan.today-ի հետ զրույցում Շիրինյանը նշեց, որ ի սկզբանե պարզ էր` շինծու գործ էր, որը հարուցվել էր ընդամենը մեկ ոստիկանի ցուցմունքի վրա։
«1 տարի 9 ամիս տևեց այս ամենը, և այդ ընթացքում ինձ նաև ազատությունից են զրկել։ Ես վրեժ եմ լուծելու նրանցից` քննիչից և ցուցմունք տվողից, այսինքն` պայքարելու եմ, որ նստեն, սա անպատիժ չեմ թողելու։ Դատավորի դեմ էլ ճնշումներ եղել են, սակայն նա կուլ չի գնացել դրանց»,–ասաց Շիրինյանը։
«Ես սա անպատիժ չեմ թողելու». դատարանն արդարացրեց Սայաթ Շիրինյանին