«Միր» քարտերից թուրքական բանկերի հրաժարման պատճառը կապված է ԱՄՆ-ի աննախադեպ ճնշման հետ։ Այս մասին հայտարարել է ՌԴ նախագահի խոսնակ Դմիտրի Պեսկովը։

«Հասկանալի է, որ բանկերը և տնտեսվարող սուբյեկտները գտնվում են ԱՄՆ-ի աննախադեպ ճնշման տակ։ Իհարկե, մենք պետք է համատեղ միջոցներ փնտրենք այս ճնշմանը հակազդելու համար, որպեսզի չվնասենք մեր առևտրատնտեսական համագործակցությանը և մեր միլիոնավոր զբոսաշրջիկներին չզրկենք հարմարավետ պայմաններից»,-ասել է Պեսկովը։

Ավելի վաղ Bloomberg-ը՝ հղում անելով թուրք բարձրաստիճան պաշտոնյայի, ասել է, որ թուրքական պետական ​​Halkbank, Ziraat Bank և VakıfBank բանկերը որոշել են դադարեցնել «Միր» քարտերից օգտվելը։

Աղբյուրը՝ news.am